ಯೂನ್ ಸುಕ್ ಯೋಲ್
ದಕ್ಷಿಣ ಕೊರಿಯಾದ ನ್ಯಾಯಾಲಯ ಯೂನ್ ಸುಕ್ ಯೋಲ್ ವಿರುದ್ಧ ಬಂಧನ ವಾರಂಟ್ ಅನುಮೋದಿಸಿದೆ ಎಂದು ತನಿಖಾ ಅಧಿಕಾರಿಗಳು ತಿಳಿಸಿದ್ದಾರೆ.
ಡಿಸೆಂಬರ್ 3 ರಂದು ಮಾರ್ಷಲ್ ಕಾನೂನನ್ನು ಹೇರುವ ನಿರ್ಧಾರದ ಮೇಲೆ ಅಧಿಕಾರದಿಂದ ಅಮಾನತುಗೊಂಡ ದಕ್ಷಿಣ ಕೊರಿಯಾದ (South Korea) ಅಧ್ಯಕ್ಷ ಯೂನ್ ಸುಕ್ ಯೋಲ್ (Yoon Suk Yeol) ವಿರುದ್ಧ ಬಂಧನ ವಾರಂಟ್ (Arrest Warrant) ಮತ್ತು ಸರ್ಚ್ ವಾರಂಟ್ (Search Warrant) ಎರಡನ್ನೂ ಜಾರಿಗೊಳಿಸಲಾಗಿದೆ.
ಅರೆಸ್ಟ್ ವಾರಂಟ್ ಜಾರಿ
ದಕ್ಷಿಣ ಕೊರಿಯಾದ ನ್ಯಾಯಾಲಯ ಯೂನ್ ಸುಕ್ ಯೋಲ್ ವಿರುದ್ಧ ಬಂಧನ ವಾರಂಟ್ ಅನುಮೋದಿಸಿದೆ ಎಂದು ತನಿಖಾ ಅಧಿಕಾರಿಗಳು ತಿಳಿಸಿದ್ದಾರೆ. ತನಿಖಾಧಿಕಾರಿಗಳು ದಂಗೆ ಮತ್ತು ಅಧಿಕಾರ ದುರುಪಯೋಗದ ಆರೋಪಗಳನ್ನು ಹೇರಿದ ನಂತರ ಸಿಯೋಲ್ ನ್ಯಾಯಾಲಯವು ಯೂನ್ ಸುಕ್ ಯೋಲ್‌ಗೆ ಬಂಧನ ವಾರಂಟ್ ಹೊರಡಿಸಿದೆ. ಉನ್ನತ ಶ್ರೇಣಿಯ ಅಧಿಕಾರಿಗಳ ಭ್ರಷ್ಟಾಚಾರ ತನಿಖಾ ಕಚೇರಿಯು ಸಿಯೋಲ್ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಕೋರ್ಟ್ ವಾರಂಟ್ ಅನ್ನು ಅನುಮೋದಿಸಿದೆ ಎಂದು ದೃಢಪಡಿಸಿದೆ.
ಹಾಲಿ ಅಧ್ಯಕ್ಷರ ವಿರುದ್ಧ ಹೊರಡಿಸಲಾದ ಮೊದಲ ಬಂಧನ ವಾರಂಟ್
ಸ್ಥಳೀಯ ಮಾಧ್ಯಮಗಳು, ದಕ್ಷಿಣ ಕೊರಿಯಾದ ಇತಿಹಾಸದಲ್ಲೇ ಹಾಲಿ ಅಧ್ಯಕ್ಷರಿಗೆ ನೀಡಲಾದ ಮೊದಲ ಬಂಧನ ವಾರಂಟ್ ಇದು ಎಂದು ಹೇಳಿವೆ. ಅಮಾನತುಗೊಂಡ ಅಧ್ಯಕ್ಷರು ಮೂರನೇ ಬಾರಿಗೆ ವಿಚಾರಣೆಗೆ ಹಾಜರಾಗದೇ ತಪ್ಪಿಸಿಕೊಂಡಿದ್ದರು. ನಿನ್ನೆ ಅಂದರೆ ಸೋಮವಾರ, ದಕ್ಷಿಣ ಕೊರಿಯಾದ ತನಿಖಾಧಿಕಾರಿಗಳು ಈ ತಿಂಗಳ ಅಲ್ಪಾವಧಿಯ ಮಾರ್ಷಲ್ ಕಾನೂನಿನ ಹೇರುವಿಕೆಯ ಮೇಲೆ ಯೂನ್‌ಗೆ ಬಂಧನ ವಾರಂಟ್ ಕೋರಿದ್ದರು.
ಈ ವಿನಂತಿಯ ಬೆನ್ನಲ್ಲಿಯೇ ಸಿಯೋಲ್ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಕೋರ್ಟ್ ಅರೆಸ್ಟ್ ಮತ್ತು ಸರ್ಚ್ ವಾರಂಟ್ ಅನ್ನು ಅನುಮೋದಿಸಿದೆ. ಸಂಭವನೀಯ ದಂಗೆಯ ಆರೋಪಗಳ ಬಗ್ಗೆ ಕ್ರಿಮಿನಲ್ ತನಿಖೆಯನ್ನು ಎದುರಿಸುತ್ತಿರುವ ಯೂನ್ ಸುಕ್ ಯೋಲ್ ಅವರನ್ನು ಪ್ರಾಸಿಕ್ಯೂಟರ್‌ಗಳು ಮತ್ತು ಪೊಲೀಸರು, ರಕ್ಷಣಾ ಸಚಿವಾಲಯ ಮತ್ತು ಭ್ರಷ್ಟಾಚಾರ ವಿರೋಧಿ ಅಧಿಕಾರಿಗಳನ್ನು ಒಳಗೊಂಡ ಜಂಟಿ ಕಾರ್ಯಪಡೆ ತನಿಖೆ ನಡೆಸಲಿದೆ.
ಅಧ್ಯಕ್ಷೀಯ ಭದ್ರತಾ ಸೇವೆಯೊಂದಿಗೆ ಅಧಿಕಾರಿಗಳು ಸಮನ್ವಯ ಸಾಧಿಸಲು ಪ್ರಯತ್ನಿಸುತ್ತಿರುವುದರಿಂದ ಯೂನ್ ಅವರನ್ನು ಶೀಘ್ರದಲ್ಲೇ ಬಂಧಿಸುವ ಸಾಧ್ಯತೆ ಕಡಿಮೆ ಇದೆ ಎಂದು ದಕ್ಷಿಣ ಕೊರಿಯಾದ ಮಾಧ್ಯಮಗಳು ಹೇಳುತ್ತಿವೆ.
ಅರೆಸ್ಟ್ ವಾರಂಟ್‌ಗೆ ಟೀಕೆ
ಯೂನ್‌ನ ವಕೀಲರಾದ ಯುನ್ ಗ್ಯಾಪ್-ಗೆನ್, ಇದೊಂದು “ಕಾನೂನುಬಾಹಿರ ಮತ್ತು ಅಮಾನ್ಯವಾದ” ಕ್ರಮ ಎಂದು ಟೀಕಿಸಿದ್ದಾರೆ ಮತ್ತು ಸಿಐಒಗೆ ಅಧ್ಯಕ್ಷರನ್ನು ಬಂಡಾಯಕ್ಕಾಗಿ ತನಿಖೆ ಮಾಡುವ ಅಧಿಕಾರವಿಲ್ಲ ಎಂದು ವಾದಿಸಿದರು. ಯೂನ್ಸ್ ಪೀಪಲ್ಸ್ ಪವರ್ ಪಾರ್ಟಿಯ ನಾಯಕರಾದ ಕ್ವಾನ್ ಸುಂಗ್-ಡಾಂಗ್ ಅವರು ಕೂಡ ವಾರಂಟ್ ಹೊರಡಿಸುವ ನ್ಯಾಯಾಲಯದ ನಿರ್ಧಾರವನ್ನು ಟೀಕಿಸಿದರು, ಇದು ಅಧ್ಯಕ್ಷರ ವಿರುದ್ಧ ಅನುಚಿತ ವರ್ತನೆ ಎಂದು ಅವರು ಹೇಳಿದರು.
ಜೀವಾವಧಿ ಶಿಕ್ಷೆ ಅಥವಾ ಮರಣದಂಡನೆ ಸಾಧ್ಯತೆ
ಪೂರ್ವ ಏಷ್ಯಾ ರಾಷ್ಟ್ರ ದಕ್ಷಿಣ ಕೋರಿಯಾವನ್ನು ಅತಿದೊಡ್ಡ ರಾಜಕೀಯ ಬಿಕ್ಕಟ್ಟಿನಲ್ಲಿ ಮುಳುಗಿಸಿದ ಈ ಘಟನೆಗಾಗಿ ಯೂನ್ ಸುಕ್ ಯೋಲ್‌ಗೆ ಸಂಭವನೀಯ ಜೀವಾವಧಿ ಶಿಕ್ಷೆ ಅಥವಾ ಮರಣದಂಡನೆಯಾಗುವ ಸಾಧ್ಯತೆ ಇದೆ. ಯೂನ್ ಅವರು ಅಧ್ಯಕ್ಷರಾಗಿದ್ದಾಗ ನಡೆಸಿದ ಹೆಚ್ಚಿನ ಅಪರಾಧಗಳಿಗೆ ಕಾನೂನು ಕ್ರಮ ಜರುಗಿಸಲಾಗದಿದ್ದರೂ, ಬಂಡಾಯ ಮತ್ತು ದೇಶದ್ರೋಹದ ಪ್ರಕರಣಗಳಲ್ಲಿ ಅವರಿಗೆ ವಿನಾಯಿತಿ ಇರುವುದಿಲ್ಲ, ಶಿಕ್ಷೆ ಖಂಡಿತ ಆಗುತ್ತದೆ ಎಂದು ವರದಿಗಳು ಹೇಳುತ್ತಿವೆ.
ಡಿಸೆಂಬರ್ 3ರಂದು ಆಗಿದ್ದೇನು?
ಡಿಸೆಂಬರ್ 3ರಂದು, ಯೂನ್ ಭಾಷಣವೊಂದರಲ್ಲಿ “ರಾಜ್ಯ-ವಿರೋಧಿ ಅಂಶಗಳನ್ನು” ತೊಡೆದುಹಾಕುವ ಅಗತ್ಯವನ್ನು ಉಲ್ಲೇಖಿಸಿ ಮಾರ್ಷಲ್ ಕಾನೂನನ್ನು ಘೋಷಿಸಿದರು. ಇದಕ್ಕೆ ಪ್ರತಿಕ್ರಿಯೆಯಾಗಿ, ಶಾಸಕರು ತ್ವರಿತವಾಗಿ ಸಂಸತ್ತಿನಲ್ಲಿ ಸಭೆ ನಡೆಸಿದರು ಮತ್ತು ಘೋಷಣೆಯನ್ನು ರದ್ದುಗೊಳಿಸಲು ಮತ ಹಾಕಿದರು.
ಪ್ರಾಸಿಕ್ಯೂಷನ್ ದೋಷಾರೋಪಣೆಯ ವರದಿಯ ಪ್ರಕಾರ, ಯೂನ್, ರಾಜಧಾನಿ ರಕ್ಷಣಾ ಕಮಾಂಡ್ ಮುಖ್ಯಸ್ಥ ಲೀ ಜಿನ್-ವೂ, ರಾಷ್ಟ್ರೀಯ ಅಸೆಂಬ್ಲಿಗೆ ಪ್ರವೇಶ ಪಡೆಯಲು ಅಗತ್ಯವಿದ್ದರೆ ಮಿಲಿಟರಿ ಪಡೆಗಳು ಮಾರಕ ಬಲವನ್ನು ಬಳಸಬಹುದು ಎಂದು ಸೂಚಿಸಿದ್ದರು.
ಈ ಹೇಳಿಕೆ, ಮಾರ್ಷಲ್ ಕಾನೂನು ಬೆನ್ನಲ್ಲೇ ದಕ್ಷಿಣ ಕೊರಿಯಾ ರಾಜಕೀಯ ಬಿಕ್ಕಟ್ಟನ್ನು ಪಡೆದುಕೊಂಡಿತು. ಯೂನ್ ಅವರ ಬದಲಿಗೆ ಅಧಿಕಾರ ತೆಗೆದುಕೊಂಡಿದ್ದ ಹ್ಯಾನ್ ಡಕ್-ಸೂ ಅವರನ್ನು ಯೂನ್ ತನಿಖೆ ಮಾಡಲು ಶಾಸನವನ್ನು ಅನುಮೋದಿಸಲು ವಿಫಲವಾದ ಕಾರಣಕ್ಕಾಗಿ ಸಂಸತ್ತಿನಿಂದ ದೋಷಾರೋಪಣೆ ಮಾಡಲಾಯಿತು. ಪ್ರಸ್ತುತ ಹಣಕಾಸು ಸಚಿವ ಚೋಯ್ ಸಂಗ್-ಮೋಕ್ ಅವರು ಹಂಗಾಮಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ.
Post a Comment