ಮೊಟ್ಟೆ & ಚಿಕನ್ ಬೆಲೆ ಭರ್ಜರಿ ಇಳಿಕೆ: ಮದ್ಯ ಮಾರಾಟವೂ ಕುಸಿತ!

  BBMP: ಆನ್ ಲೈನ್ ಮೂಲಕ 'ಬಿ' ಖಾತೆಯನ್ನು 'ಎ' ಖಾತಾಗೆ ಬದಲಾವಣೆ; ಡಿಜಿಟಲ್ ವ್ಯವಸ್ಥೆ ಜಾರಿ

 ಬಿಬಿಎಂಪಿ ಆಸ್ತಿ ತೆರಿಗೆ ವಿಷಯಗಳ ವಕೀಲ ಮತ್ತು ತಜ್ಞ ಪ್ರಶಾಂತ್ ಮಿರ್ಲೆ ಅವರ ಪ್ರಕಾರ, 'ಎ' ಖಾತಾವನ್ನು ಕಾನೂನು ಅನುಸರಣೆಯ ಸಂಕೇತವೆಂದು ಪರಿಗಣಿಸಲಾಗಿದೆ. ಬೆಂಗಳೂರು: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (BBMP) ಆಗಸ್ಟ್ 10 ರಿಂದ ಸಾಫ್ಟ್‌ವೇರ್ ವ್ಯವಸ್ಥೆಯನ್ನು ಜಾರಿಗೆ ತರಲು ಸಜ್ಜಾಗಿದ್ದು, ಗ್ರೇಟರ್ ಬೆಂಗಳೂರು ವ್ಯಾಪ್ತಿಯಲ್ಲಿರುವ ಆಸ್ತಿ ಮಾಲೀಕರು ಆನ್‌ಲೈನ್ ಪ್ರಕ್ರಿಯೆಯ ಮೂಲಕ ತಮ್ಮ 'ಬಿ' ಖಾತಾವನ್ನು 'ಎ' ಖಾತಾ ಆಗಿ ಪರಿವರ್ತಿಸಲು ಅನುವು ಮಾಡಿಕೊಡುತ್ತದೆ.

ಈ ಉಪಕ್ರಮವು ಪರಿವರ್ತಿತ ಲೇಔಟ್‌ಗಳು ಮತ್ತು ಖಾಸಗಿ ರಸ್ತೆಗಳನ್ನು ಹೊಂದಿರುವ ಪ್ರದೇಶಗಳಲ್ಲಿನ ಆಸ್ತಿಗಳನ್ನು ಗುರಿಯಾಗಿರಿಸಿಕೊಂಡಿದೆ. ಖಾತಾ ನಿರ್ವಹಣೆಯನ್ನು ಕೇಂದ್ರೀಕರಿಸಲು, ಬಾಕಿ ಸಂಗ್ರಹವನ್ನು ಸುಧಾರಿಸಲು ಮತ್ತು ಡೀಫಾಲ್ಟ್ ಅಥವಾ ದೀರ್ಘಕಾಲದ ಬಾಕಿ ಪ್ರಕರಣಗಳಲ್ಲಿ ಸ್ವಯಂಚಾಲಿತ ಜಪ್ತಿ ಪ್ರಕ್ರಿಯೆಗಳನ್ನು ಪ್ರಾರಂಭಿಸಲು ಅನುಕೂಲವಾಗಬಹುದು ಎಂಬುದು ಬಿಬಿಎಂಪಿ ಆಶಯವಾಗಿದೆ.

ಬಿಬಿಎಂಪಿ ಆಸ್ತಿ ತೆರಿಗೆ ವಿಷಯಗಳ ವಕೀಲ ಮತ್ತು ತಜ್ಞ ಪ್ರಶಾಂತ್ ಮಿರ್ಲೆ ಅವರ ಪ್ರಕಾರ, 'ಎ' ಖಾತಾವನ್ನು ಕಾನೂನು ಅನುಸರಣೆಯ ಸಂಕೇತವೆಂದು ಪರಿಗಣಿಸಲಾಗಿದೆ, ಇದನ್ನು ಕಾನೂನಿನ ಪ್ರಕಾರ ಕ್ರಮಬದ್ಧಗೊಳಿಸಲಾಗಿದೆ. ಇದಕ್ಕೆ ವ್ಯತಿರಿಕ್ತವಾಗಿ, ಕಂದಾಯ ಭೂಮಿ ಅಥವಾ ಅಕ್ರಮಗಳನ್ನು ಹೊಂದಿರುವ ಆಸ್ತಿಗಳನ್ನು ಸಾಮಾನ್ಯವಾಗಿ 'ಬಿ' ನೋಂದಣಿ ಅಡಿಯಲ್ಲಿ ವರ್ಗೀಕರಿಸಲಾಗಿದೆ.